Ahmed Youssry
لما حد يعرف يصور إحساسك 
في الحقيقة دي كانت أول مره اعمل فيها جلسة تصوير.. فا مكنتش عارف تفاصيل كتير و كنت محتاج ابقي فاهم اعمل ايه قبل يوم التصوير و في نفس اليوم برضو..
من اول تواصل بيني وبين مستر إيهاب.. عرفت اني بتعامل مع شخص professional علي اعلي مستوي من الاحترافية.. متخيلتش ابدا ان في مصور فوتوغرافي هيهتم بنوعية التفاصيل دي عشان الصور تطلع حلوه..
هتعرف انه بيهتم بأدق التفاصيل لما تسمع نصيحته ليا بأني لازم اشرب كميات مياه في اليوم اللي قبل التصوير عشان شكلي ميبنش مرهق وعشان لون البشره… ايه يا جدعان.. هو فيه كده ..
..مستر إيهاب بعتلي مقالات هو اللي كاتبها عن كيفية اختيار اللبس اللي هيستخدم في التصوير.. و اللي ادت اني غيرت وجهة نظري تماما في اللي كنت ناوي البسه يومها وانا بتصور..
كل تفصيله في شغله بيديها اهتمام غير طبيعي…
“البس الجزمة الكلاسيك وانت لابس البدلة حتي لو مش هتطلع في الصورة.. بس إحساس انك لابس فورمال هيبان في الصور”
“انا عايزك تفكر في حاجة بتديلك احساس الإنجاز و الفخر”
“افتكر موقف ضايقك و بص للكاميرا كأنك بتشوف الشخص اللي اتسبب في الأذى ده ليك”
إيهاب غبارة هو مصور هيعرف يستغل كل التفاصيل عشان يطلع منتج” اللي هو صور حضرتك” بأعلي درجات الجودة..
و ده ان دل علي شئ فهو يدل علي انه شخص شغووووف جدا بشغله و الشغف ده بيتحول لاهتمام حقيقي بالعميل اللي بيتصور معاه..
مش هاتكلم عن تجهيز الاستوديو كمكان مكيف ونضيف و مجهز تماما كمعدات إضاءة و الكاميرات و عدسات تصوير… هاسيبكم انتوا تحكموا بنفسكوا لما تزوروا المكان ان شاء الله .. يكفي بس اني اقول اننا فضلنا في السيشن 6 ساعات محسيتش اني زهقت او اني عايز امشي من كتر ما انا مستمتع بالتصوير..
ان شاء الله .. يكفي بس اني اقول اننا فضلنا في السيشن 6 ساعات محسيتش اني زهقت او اني عايز امشي من كتر ما انا مستمتع بالتصوير..ده مش مجرد ريفيو لواحد قدملي خدمة محترمة… انا فعلا ممتن جدا للتعامل الراقي اللي شفته من المهندس إيهاب غباره.. لانه شخص فاهم شغله اوي و عارف ازاي يوجهك صح.. عشان يصور الإحساس اللي المفروض يطلع في كل صورة..
شكرا بجد يا مهندس إيهاب علي مجهودك و كرم ضيافتك ليا في الاستوديو اليوم ده.. والصور الجميلة اللي صورتهالي..
Highly Recommended..
أحمد يسري..
Photo Session Gallery
photo session Gallery
No data was found
Related Service
We make your Photos clean, professional, and well-presented images to be perfect for your business. we present you in Gorgeous Way in front of your clients, use these images on your website, your social profiles, and your marketing material for maximum impact.